Bakı. TurkicWorld:
Avropa İttifaqı gələn həftə Ermənistana 100 nəfərlik missiya göndərəcək.
TurkicWorld-un məlumatına görə, bu barədə Avropa Komissiyasının Prezidenti Ursula fon der Lyayen twitter hesabında qeyd edib.
Xatırladaq ki, 23 yanvar 2023-cü il tarixində Avropa İttifaqı (Aİ) Ermənistan-Azərbaycan sərhədinə növbəti missiyanın göndərilməsi barədə razılıq verib.
Missiyanın ilkin mandatı iki illik nəzərdə tutulacaq, operativ qərargahı isə Ermənistanda yerləşəcək. Mülki əməliyyatlara Aİ-nin Xarici Fəaliyyət Xidmətinin Mülki Planlama və Davranış (CPCC) üzrə idarəedici direktoru Stefano Tomat rəhbərlik edəcək. Yaxın gələcəkdə yerli səviyyədə əməliyyatlara nəzarət etmək üçün missiya rəhbəri təyin ediləcək.
