Bakı. TurkicWorld :

Fransada Kütləvi İnformasiya Vasitələrinin (KİV) əksəriyyətini ermənilər və ya Ermənistanı dəstəkləyən insanlar idarə edir.

TurkicWorld xəbər verir ki , bunu bazar ertəsi Trend-ə "Lagazetteaz.fr" onlayn qəzetinin baş redaktoru Jan-Mişel Brün deyib.

“Birinci problem ondan ibarətdir ki, Fransa müəyyən mənada, siyasi mövqelər baxımından “haqlıdır” və Fransadakı hüquq Azərbaycanla Ermənistan arasındakı münaqişəni bir növ sivilizasiya müharibəsi kimi təqdim etmək üçün vasitəçi kimi çıxış edir. Amma Azərbaycanın dünyəvi ölkə olduğunu biləndə bunların hamısı çox axmaq bir fikir kimi görünür”.

Brün qeyd edib ki, Fransada qırx ildən artıqdır mövcud olan "Armennews" və ya "Nouvelle d'Arménie" kimi erməni KİV-i yerli informasiya məkanına çox mühüm təsir göstərir:

““Lagazette” mahiyyətcə artan auditoriyaya malik yeni Avropa media resursudur və bu gün qəzetimizi artıq Fransanın dövlət məmurları, o cümlədən hökumət rəsmiləri, deputatlar, dövlət qulluqçuları və s. oxuyur. “Lagazette” oxucuya bir çox KİV-də olmayan nadir informasiya təqdim edir. Qəzetimizdə Fransa gündəmi ilə yanaşı, Azərbaycanla bağlı xəbərlər, ölkənin tarixi və zəngin mədəniyyəti, xüsusilə Şuşa şəhəri, Azərbaycan musiqisi və poeziyası ilə bağlı materiallar da dərc olunur”.

Brünün sözlərinə görə, “Lagazette” Fransada erməni KİV-nə qarşı yeganə media vasitəsidir.

"Redaktorların qarşısında duran ən mühüm vəzifələrdən biri “Lagazette”ni daha da gücləndirmək, daha çox oxucu cəlb etməkdir. Düşünürəm ki, "Lagazette" sayəsində biz çox şeyə nail ola bilərik. Bu qəzeti yaratmaq ideyası, həqiqətən də, əhəmiyyətlidir və mən düşünürəm ki, gələcəyi olan media resursudur”, - deyə o vurğulayıb.