Fransa üçün Azərbaycan-Ermənistan danışıqlarında yer yoxdur!

Fransa üçün Azərbaycan-Ermənistan danışıqlarında yer yoxdur!

Fransa Senatı (bu, onların parlamentinin aşağı palatasıdır) bu gün Azərbaycana qarşı hər cəhətdən təxribat xarakterli qətnamə qəbul edib. Səs verən 296 senatordan yalnız birində əqli fəaliyyətin izləri olub, nəticədə o, sənədin əleyhinə səs verib.

Qalan 295 senator Fransa hakimiyyətinə müraciət edərək - nə çox, nə də az! - Qarabağ separatçılarının qalıqlarını “müstəqil dövlət” kimi tanımaq, Azərbaycana qarşı sanksiyalar tətbiq etmək və Fransada kifayət qədər çoxluq təşkil edən erməni elektoratının artıq sevinc göz yaşlarına səbəb olan bir çox başqa, heç də az təxribat xarakterli olmayan məqamları istəmək qərarına gəliblər.

Lakin bir amma var: qətnamə sadəcə bir bəyannamədir. Kağız, fayl. Çağırdılar - yaxşı. Bəs bu qətnamə əhəmiyyətli bir şeyə gətirib çıxaracaqmı?

Bəli, gətirib çıxaracaq. Amma bu gün Parisdə fransız senatorların və onların erməni pərəstişkarlarının müzakirə etdiklərinə deyil. Bu axmaq anti-Azərbaycan sənədin bəndlərinin heç biri həyata keçirilməyəcək. Amma fransızların nail olduqları şey Azərbaycanla münasibətlərin kəskin şəkildə pisləşməsidir. Bu alçaqlıq Bakıda unudulmayacaq.

Yaxşı olar ki, fransalı senatorlar düşünsünlər ki, yaxın gələcəkdə Bakı ilə hansı tərəfdaşlıqdan danışmaq mümkün olacaq? Eyni senatorların ağzından Cənubi Qafqazda sülhün bərqərar olmasından bu qədər narahat olduğu iddia edilən Fransa necə “töhfəsini verəcək”? Azərbaycanda kimsə Fransanın bu “səylərini” səmimi qəbul edəcəkmi?

Bəs ümumiyyətlə, belə bir vasitəçi Azərbaycana niyə lazımdır? Nəhəng müstəmləkə keçmişi olan, soyqırım və islamofobiya tarixi olan, münaqişə tərəflərindən birinə açıq dəstək verənlər vasitəçi qismində guya ədalətli şəkildə həll istəyirlər?

Ermənistan-Azərbaycan münasibətlərinin normallaşması prosesində Fransa üçün yer yoxdur. Onların ağlını itirmiş Senatı bu gün məhz buna səs verdi.

Emin Əliyev

Trend BİA-nın baş redaktoru