...

Medianın İnkişafı Agentliyində “Albayrak Media Group”un rəhbərliyi ilə görüş keçirilib (FOTO)

Siyasət Digər xəbərlər 25 May 2022 19:19
TurkicWorld Daspina Hasanova
Medianın İnkişafı Agentliyində “Albayrak Media Group”un rəhbərliyi ilə görüş keçirilib (FOTO)

Bakı. TurkicWorld:

25 may tarixində Medianın İnkişafı Agentliyində (MEDİA) “Albayrak Media Group”unun rəhbəri Ömər Karaca, “Albayrak Media Group”un təmsilçisi Samir Babaoğlu ilə görüş keçirilib.

TurkicWorld-un məlumatına görə, görüş zamanı MEDİA-nın İcraçı direktoru Əhməd İsmayılov qonaqları Azərbaycanda bir müddət əvvəl qəbul edilmiş “Media haqqında” qanun, bu qanunun üstünlükləri, eləcə də ölkədə media reyestrinin yaradılması barədə məlumatlandırıb. Əhməd İsmayılov nümayəndə heyətinə bu reyestrin işə salınmasından sonra Azərbaycan media nümayəndələrinin yararlana biləcəyi imtiyazlar barədə ətraflı məlumat verib. O əlavə edib ki, onlayn mediada işləyən jurnalistlər də rəsmi status alıb.

İcraçı direktor həmçinin türkiyəli həmkarlarını Azərbaycanda media sahəsinin inkişafı üçün atılan addımlar, çap mediası və xəbər saytlarına dəstək proqramları, eləcə də digər təşəbbüslər barədə məlumatlandırıb.

"Albayrak Media Group”unun rəhbəri Ömər Karaca iki ölkə mediası arasında münasibətlərin inkişafına töhfəsinə görə Azərbaycan tərəfinə təşəkkürünü bildirib.

Ömər Karaca, həmçinin qeyd edib ki, iki qardaş, dost ölkənin media qurumları arasında aparılan informasiya mübadiləsi hər iki tərəfin xeyrinə olacaq.

Məqalədə:
Xəbərlər

Xəbər lenti