Bakı. TurkicWorld:
Avropa İttifaqı (Aİ) Azərbaycanın ərazilərin minalardan təmizlənməsi səylərini dəstəkləyir.
TurkicWorld-un məlumatına görə, bunu Aİ-nin Azərbaycandakı nümayəndəliyinin rəhbəri Peter Mixalko Humanitar Mina Fəaliyyəti və Davamlı İnkişaf Məqsədləri üzrə beynəlxalq konfransın açılışında çıxışı zamanı deyib.
P.Mixalko bildirib ki, bu məqsədlə Aİ tərəfindən ANAMA-ya 2.5 milyon avro ayrılıb.
Onun sözlərinə görə, dünyada mina qurbanlarının 80%-i dinc insanlar, uşaqlardır. “Biz başa düşməliyik ki, mina təmizləmə ilə yanaşı, yeni minaların basdırılmasının qarşısını almalıyıq. Aİ Azərbaycan və Cənubi Qafqaza dəstəyini əsirgəməyəcək. Aİ Azərbaycana minatəmizləmə prosesində ekspert dəstəyi verəcək”, - deyə P.Mixalko əlavə edib.
