Son dəqiqə

Azərbaycan Bakı Almaniya Frank-Valter Ştaynmayer

Almaniya Prezidenti Frank-Valter Ştaynmayerin rəsmi qarşılanma mərasimi keçirilir

Bakı, TurkicWorld

Azərbaycan Respublikasında dövlət səfərində olan Almaniya Federativ Respublikasının Prezidenti Frank-Valter Ştaynmayerin aprelin 2-si Bakıda rəsmi qarşılanma mərasimi keçirilir.

TurkicWorld xəbər verir ki, hər iki ölkənin Dövlət bayraqlarının dalğalandığı meydanda Almaniya Prezidentinin şərəfinə fəxri qarovul dəstəsi düzülmüşdü.

Azərbaycan Prezidenti İlham Əliyev və birinci xanım Mehriban Əliyeva Almaniya Prezidenti Frank-Valter Ştaynmayeri və birinci xanım Elke Büdenbenderi qarşıladılar.

Fəxri qarovul dəstəsinin rəisi Almaniya Prezidentinə raport verdi.

Almaniya Federativ Respublikasının və Azərbaycan Respublikasının Dövlət himnləri səsləndirildi.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Almaniya Prezidenti Frank-Valter Ştaynmayerin qarşısından keçdi.

Dövlət başçıları rəsmi foto çəkdirdilər.

Xəbər yenilənəcək

Mövzuya görə xəbərlər