Bakı,TurkicWorld
2024-cü il Paris Yay Olimpiya Oyunlarının açılış mərasimində Azərbaycana qarşı təxribat xarakterli davranış sərgilənib.
TurkicWorld xəbər verir ki, Fransanın "France 2" telekanalında açılış mərasimində canlı yayım zamanı aparıcılar Azərbaycan idmançılarına qarşı təxribat xarakteri daşıyan ifadələr səsləndirib.
Belə ki, erməni komandasının keçidi zamanı telekanalın aparıcılarından biri Ermənistana qarşı dostluq ifadə edib. Bununla yanaşı o, Azərbaycanın Ermənistan tərəfindən 30 il işğal altında saxlanılan torpaqlarını işğaldan azad etməsinə yönəlik provokativ fikirlər səsləndirib.
Aparıcının səsləndiridiyi bu fikirlər Azərbaycanda haqlı narazılıqlar yaradıb. Fransa Olimpiya Oyunlarının tarixi və təməl prinsiplərini pozaraq, ondan Azərbaycana qarşı qərəzini ifadə etmək üçün vasitə olaraq istifadə etdi.
Azərbaycanda bu təxribat xarakterli davranışın yaratdığı narazılıq nəzərə alındığı zaman, Fransaya qarşı rəsmi cavab verilməsi gözlənilə bilər.
