...

Gələn həftə Azərbaycan və Türkiyənin hakim partiyaları arasında iclas keçiriləcək

Siyasət Digər xəbərlər 21 Oktyabr 2021 12:20
TurkicWorld Aytac Aliyeva
Gələn həftə Azərbaycan və Türkiyənin hakim partiyaları arasında iclas keçiriləcək

Oktyabrın 25-də Türkiyənin Ədalət və İnkişaf Partiyası (AK Partiya) ilə Yeni Azərbaycan Partiyası (YAP) arasında videokonfrans formatında iclas keçiriləcək.

TurkicWorld-un məlumatına görə, bunu YAP Sədrinin müavini-Mərkəzi Aparatın rəhbəri Tahir Budaqov Yeni Azərbaycan Partiyasında “Vətən Müharibəsi: “Prezident-Xalq-Ordu birliyinin möhtəşəm rəmzi” mövzusunda keçirilən dəyirmi masada deyib.

O bildirib ki, müzakirə mövzusu Vətən müharibəsində əldə edilən qələbə və bölgədə yaranan yeni reallıqlardır: “Burada iştirak edən hər kəsi həmin videokonfrans formatında iclasa qoşulmağa dəvət edirəm”.

T.Budaqov bildirib ki, qələbədən sonra YAP-la əməkdaşlıq etmək istəyən ölkələrin sayı artıb: “Regionda türk dövlətləri ilə ikitərəfli əlaqələrin formalaşması istiqamətində mühüm addımlar atılacaq. Çin tərəfi də diplomatik kanallar vasitəsilə bizimlə videokonfrans formatında görüşmək istəyir”.

Məqalədə:
REKLAM
Xəbərlər

Xəbər lenti