Bu gün Türkiyə ermənilər tərəfindən Hollandiyanın Lahey şəhərində öldürülən diplomat Ahmet Benlerin xatirəsini yad edir.
TurkicWorld-un məlumatına görə, bu barədə Türkiyə xarici işlər nazirliyi rəsmi Twitter səhifəsində paylaşım edib.
"Erməni terror təşkilatları ASALA və JCAG -ın hücumu nəticəsində 12 oktyabr 1979 -cu ildə Laheydə şəhid olmuş mərhum səfirimiz Özdemir Benlerin oğlu Ahmet Benleri hörmət və mərhəmətlə yad edirik" - deyə məlumatda qeyd olunur.
Qeyd edək ki, ASALA və JCAG erməni terror təşkilatları 1975-ci ildə türklərə qarşı terror aktlarının keçirilməsi məqsədilə yaradılıb.
Erməni terorçularının xaricdə yaşayan türklərə qarşı etdikləri sui-qəsdlər nəticəsində 31-i diplomat və onların ailə üzvləri olmaqla, ümumilikdə 58 Türkiyə vətəndaşını qətlə yetiriblər.
1975-ci ildə Türkiyənin Vyanadakı səfiri Daniş Tunalıgil, Los-Ancelesdəki səfiri Mehmet Baydar və konsul Bahadır Demir, Parisdəki səfiri İsmail Erez, 1977-ci ildə Vatikandakı səfiri Taha Carım, 1980- ci ildə Sidneydəki baş konsulu Şarık Aynak, 1982-ci ildə Los-Ancelesdəki baş konsulu Kemal Arıkan, Bostondakı baş konsulu Orxan Gündüz və 1983-cü ildə Belqraddakı səfiri Qalip Balkar erməni terror təşkilatlarının qurbanı olublar.
Bundan əlavə, erməni terrorçuları tərəfindən həyata keçirilən sui-qəsdlər zamanı 1991-ci və 1994-cü illərdə Türkiyənin Yunanıstandakı səfirliyinin əməkdaşları Çetin Görgü və Ömer Haluk Sipahioğlu, 1993-cü ildə Türkiyənin İraqdakı səfirliyinin attaşesi Çağlar Yücel, 2004-cü ildə Türkiyənin Mosuldakı baş konsulluğunun attaşeləri Nihat Akbaş, Bilal Urgen, Adem Çiçek, Bülent Kıranşal və Süleyman Karahasanoğlu, 2013-cü ildə Türkiyənin Somalidəki səfirliyinin əməkdaşı Sinan Yılmaz və bu il Türkiyənin Ərbildəki baş konsulluğunun əməkdaşı Osman Köse qətlə yetiriliblər.
