BAKI, TurkicWorld
Pakistanın Kəraçi şəhərində baş verən zəlzələdən sonra yerli həbsxanadan 200-dən çox məhkumun qaçdığı bildirilib.
TurkicWorld xəbər verir ki, zəlzələ zamanı təhlükəsizlik məqsədilə məhkumlar sayım üçün müvəqqəti olaraq həbsxana həyətinə çıxarılıb.
Ancaq bu proses zamanı 200-dən çox məhkum fürsətdən istifadə edərək qaçıb.
Rəsmilər bildiriblər ki, qaçan məhkumlardan 78-i artıq yaxalanıb.
Bundan başqa, polislə toqquşmaya girən bir məhkumun zərərsizləşdirildiyi, digər məhkumun isə anası tərəfindən təslim edildiyi məlum olub.
Qaçan məhkumların axtarışları davam edir.
