Bakı. TurkicWorld:
İsveçdə Qurana qarşı təxribatın qarşısını almağa çalışanlar polis tərəfindən saxlanılıb.
TurkicWorld-un məlumatına görə, hadisə İsveçin Malmö şəhərində müsəlmanların cəmləşdiyi Varnhemstorget bölgəsində baş verib.
Polisin himayəsi altında Qurana hücum edən İraq əsilli Salvan Momikanın qarşısını almağa çalışan 15 nəfər saxlanılıb.
Hadisə yerinə geniş polis mühafizəsi ilə gələn Momika reaksiyalara baxmayaraq Quranı yandırıb.
Ətrafa toplaşan 100-ə yaxın nümayişçi Momikaya və polisə daş və butulka atıb.
Bunun üzərinə polis Momikanı hadisə yerindən qaçırarkən nümayişçilərlə polis arasında əlbəyaxa dava düşüb. Hadisədən sonra polis 15 nəfərin saxlanıldığını açıqlayıb.
Malmö polisinin açıqlamasında aksiyanın çox şiddətli keçdiyi və ara-sıra iğtişaşların yaşandığı bildirilib.
Hafiz Rufizoğlu
