Bakı. TurkicWorld:
Astanada Şanxay Əməkdaşlıq Təşkilatına üzv ölkələrin müdafiə nazirlərinin iclası başlayıb.
TurkicWorld xəbər verir ki, bu barədə Qazaxıstan Müdafiə Nazirliyi məlumat verib.
Məlumata əsasən, tədbir Qazaxıstanın ŞƏT-də sədrliyi çərçivəsində keçirilir.
İclasda Hindistan, İraq, Çin, Qırğızıstan, Pakistan, Rusiya, Tacikistan və Özbəkistanın müdafiə nazirləri iştirak edir.
Bundan əlavə, görüşə ŞƏT-in baş katibi, ŞƏT-in RATS İcraiyyə Komitəsinin direktoru və Belarusun müdafiə naziri də dəvət olunub.
Qeyd edək ki, ŞƏT 1996 və 1997-ci illərdə Qazaxıstan, Çin, Qırğızıstan, Rusiya və Tacikistan arasında hərbi sahədə etimadın möhkəmləndirilməsi və sərhəd bölgəsində silahlı qüvvələrin qarşılıqlı ixtisarına dair sazişlər əsasında yaradılıb.