Ankara. TurkicWorld:
2023-cü ilin yanvar ayında Azərbaycan vətəndaşları Türkiyədə 65 daşınmaz əmlak satın alıblar ki, bu da 2022-ci ilin eyni dövrü ilə müqayisədə 22 obyekt azdır.
Bu barədə TurkicWorld-ə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanından məlumat verilib.
Qeyd edək ki, bu ilin yanvar ayında Türkiyədə əmlak satışları 2022-ci ilə nəzərən 10,6 faiz artaraq 97 min 708 olub.
2023-cü ilin yanvar ayında əcnəbi vətəndaşlara satılan əmlakların sayı 2022-ci illə müqayisədə 0,6 faiz azalaraq 4 min 161 olub.
