Azərbaycanda neft qiymətlərinin həftəlik İCMALI

Bakı. TurkicWorld:

Bu həftə Azeri Light CIF, Urals və Dated Brent markalı neftin orta qiymətləri azalıb, Dated Brent üzrə isə qiymətlər artıb.

TurkicWorld-un məlumatına görə, Azərbaycanda "Azəri-Çıraq-Günəşli" yatağından hasil edilən Azeri Light CIF markalı neftin orta qiyməti ötən həftə ilə müqayisədə 6,71 ABŞ dolları və ya 5% azalaraq bir barel üçün 126,5 ABŞ dolları təşkil edib. Məlumata əsasən, həftə ərzində bu markalı xam neftin ən yüksək qiyməti 140,68 ABŞ dolları, minimal qiyməti isə 119,98 ABŞ dolları olub.

Türkiyənin Ceyhan limanında FOB bazasında Azeri Light markalı neftin orta qiyməti bir barel üçün 121,04 ABŞ dolları təşkil edib ki, bu da ötən həftə ilə müqayisədə 5,42 ABŞ dolları və ya 4,3% azdır. Həftə ərzində maksimal qiymət 134,58 ABŞ dolları, minimal qiymət isə 114,84 ABŞ dolları olub.

Urals markalı neftin orta qiyməti əvvəlki həftə ilə müqayisədə 4,7 ABŞ dolları və ya 4,7% azalaraq bir barel üçün 95,69 ABŞ dolları təşkil edib. Həftə ərzində maksimal qiymət 109,26 ABŞ dolları, minimal qiymət isə 89,38 ABŞ dolları olub.

Dated Brent markalı neftin orta qiyməti isə 131,80 ABŞ dolları təşkil edib ki, bu da ötən həftə ilə müqayisədə 1,66 ABŞ dolları və ya 1,3% artım deməkdir. Həftə ərzində maksimal qiymət 144,42 ABŞ dolları, minimal qiymət isə 124,68 ABŞ dolları olub.

Qeyd edək ki, Böyük Britaniya birjası bayram günü ilə əlaqədar aprelin 6-da işləməyib, ona görə həmin tarixi aid məlumatlar dərc olunmayıb