Fransanın "Alstom" şirkəti Azərbaycana növbəti yük lokomotivini tədarük edib.
TurkicWorld-un məlumatına görə, bu, şirkətin Azərbaycana təqdim etdiyi sayca 38-ci lokomotiv olub.
Qeyd olunur ki, lokomotiv bir həftə əvvəl Qazaxıstanın paytaxtı Nur-Siltandan Bakıya yola salınmışdı.
Bu, "Alstom" şirkəti "Azərbaycan Dəmir Yolları" QSC arasında imzalanmış müqavilə əsasında həyata keçirilib.
Eyni zamanda, bu həftə müqavilə ilə nəzərdə tutulmuş daha 2 lokomotivin Bakıya çatması gözlənilir.
Xatırladaq ki, "Azərbaycan Dəmir Yolları" 2014-cü ildə "Alstom"la 50 elektrovoz, o cümlədən 40 yük lokomotivinin tədarükü barədə müqavilə imzalamışdı. Müqavilənin dəyəri 288 milyon avro təşkil edir.
