Astana, TurkicWorld
Şanxay Əməkdaşlıq Təşkilatında (ŞƏT) alternativ enerji sahəsində əməkdaşlığın möhkəmləndirilməsinə diqqət yetirməlidir.
TurkicWorld xəbər verir ki, bu barədə İran prezidenti vəzifəsini icra edən Məhəmməd Moxber Astanada "ŞƏT+" formatında keçirilən iclasda deyib.
"İran və ŞƏT ölkələri arasında əməkdaşlığın genişləndiriləcəyinə ümid edirik. Mühüm məsələlərdən biri də iqtisadi əlaqələrin təhlükəsizliyinin təmin edilməsidir. Milli valyutalardan istifadəni dəstəkləmək, müasir texnologiyalar tətbiq etmək lazımdır", - o deyib.
Moxberin fikrincə, ŞƏT ölkələri üçün mühüm layihələrdən biri Şimal-Cənub layihəsidir.
"Bu, gündəliyimizin mühüm bəndidir. Malların göndərilməsi üçün lazım olan vaxtı azaltmağa çalışırıq. Ən böyük enerji istehlakçıları əməkdaşlığın genişləndirilməsinə yardım edə bilər. Əməkdaşlığın dərinləşdirilməsinə və enerji təhlükəsizliyinin təmin edilməsinə diqqət yetirmək lazımdır", - Moxber deyib.
O həmçinin alternativ enerji sahəsində layihələrin vacibliyini qeyd edib.
"Ekoloji məsələlər inkişaf üçün son dərəcə vacibdir. İran müxtəlif plan və proqramlara malikdir, beynəlxalq arenada müsbət rol oynayır. Əməkdaşlıq və dostluq ruhunu inkişaf etdirmək lazımdır", - deyə Moxber əlavə edib.
