Bakı. TurkicWorld:

2024-cü ilə dair Naxçıvan Muxtar Respublikasının dövlət büdcəsi haqqında qanun layihəsi Naxçıvan Muxtar Respublikası Nazirlər Kabineti tərəfindən Ali Məclisə təqdim olunub. Ali Məclis rəsmi orqanı "Şərq qapısı" qəzetində qanun layihəsini dərc edərək ictimai müzakirəyə çıxarıb.

TurkicWorld xəbər verir ki, Naxçıvan Muxtar Respublikasının Ali Məclisi qərarına əsasən, Naxçıvan Muxtar Respublikasının 2024-cü il dövlət büdcəsinin gəlirləri 173 105 000,0 manat, xərcləri 516 365 000,0 manat, gəlir və xərcləri tənzimləmək üçün ayrılan dotasiya 343 260 000,0 manat (o cümlədən, mərkəzləşdirilmiş gəlirləri 110 474 000,0 manat, yerli gəlirləri 62 631 000,0 manat, mərkəzləşdirilmiş xərcləri 464 440 000,0 manat, yerli xərcləri 51 925 000,0 manat) məbləğində təsdiq edilib.

Eyni zamanda, Naxçıvan Muxtar Respublikasının şəhər və rayonları üzrə gəlirlər 62 781 000,0 manat, o cümlədən, “Avtomobil Yolları” Məqsədli Büdcə Fonduna aid olan məbləğ 150 000,0 manat, yerli xərclər 51 925 000,0 manat, gəlirlərin yerli xərclərdən artıq olan və mərkəzləşdirilmiş gəlirlərə aid edilən hissəsinin məbləği 19 377 000,0 manat, yerli gəlir və xərcləri tənzimləmək üçün mərkəzləşdirilmiş xərclərdən ayrılması nəzərdə tutulan vəsaitin yuxarı həddi 8 671 000,0 manat məbləğində təsdiq edilib.

Məlumat üçün bildirək ki, bu ilki büdcə layihəsi Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin apardığı islhatlar fonunda müəyyən edilmiş prinsiplər əsasında hazırlanmışdır. Burada maliyyə şəffaflığı əsas prioritet kimi diqətdə saxlanılmışdır.