Түркі мәдениеті мен мұрасы қоры және Түркі әлемі қоры түркі халықтарының ортақ тарихи, мәдени және рухани мұрасын сақтау мен насихаттау мақсатында мәдени және ғылыми салалардағы ынтымақтастықты одан әрі дамыту мүмкіндіктерін талқылады.
2026 жылғы 8 қазанда Түркі мәдениеті мен мұрасы қорының президенті, профессор, доктор Ақтоты Райымқұлова Түркі әлемі қоры Қамқоршылар кеңесінің төрағасы, профессор, доктор Наби Авджымен кездесті.
Кездесу барысында тараптар екі ұйым арасындағы өзара тиімді ынтымақтастықты кеңейту перспективаларын жан-жақты қарастырып, алдағы уақытта жүзеге асырылуы жоспарланған бірлескен мәдени және ғылыми жобалар жөнінде пікір алмасты.
Талқылауларда түркі халықтарының ортақ мәдени құндылықтарын сақтау, ғылыми байланыстарды нығайту және тарихи мұраны келешек ұрпаққа жеткізу мәселелеріне ерекше назар аударылды.
Кездесудің маңызды оқиғаларының бірі Наби Авджыға Түркі мәдениеті мен мұрасы қорының «Түркі мәдениеті мен мұрасының елшісі» құрметті атағының берілуі болды.
Бұл марапат профессордың түркі әлеміндегі мәдени және гуманитарлық ынтымақтастықты дамытуға, ортақ рухани құндылықтарды сақтауға және түркі халықтарының бірлігін нығайтуға қосқан үлесі үшін табысталды.
Марапатты тапсыру барысында Ақтоты Райымқұлова Наби Авджының түркі әлеміндегі бірлік пен ынтымақтастықты нығайтуға бағытталған нәтижелі қызметін атап өтті.
Ол профессордың мол кәсіби тәжірибесі мен ғылыми және мәдени мұраны дамытуға қосқан үлесі жоғары құрметке лайық екенін ерекше атап көрсетті.
Өз кезегінде Наби Авджы Түркі мәдениеті мен мұрасы қорының түркі халықтары арасындағы ынтымақтастықты нығайтуға бағытталған қызметіне жоғары баға берді.
Сонымен қатар ол бірлескен мәдени және гуманитарлық бастамалар мен жобаларды алдағы уақытта да табысты жүзеге асыруға қолдау білдірді.
Кездесу соңында тараптар өзара қызығушылық тудыратын мәселелер бойынша пікір алмасып, ортақ мәдени мұраны сақтау және халықаралық деңгейде таныту бағытындағы ынтымақтастықты жалғастыруға ниетті екендерін білдірді.
