Әзербайжан Республикасы Милли Мәжілісінің мүшесі Нигар Арпадарай Түркі мәдениеті мен мұрасы қорының орталығын барып, Қордың президенті профессор Ақтоты Раймқұловамен кездесті.
Кездесу барысында депутатқа Қордың орталығы, баспа қызметтері және Түркі әлемінің бай мәдени мұрасын насихаттау мақсатында жүзеге асырылған жобалар таныстырылды.
Кездесу барысында тараптар қыркүйек айында өтетін Баку Климат Апталығына Қордың қатысуын талқылады. Нигар Арпадарай мәдени мұра мен экология тақырыптарын шара бағдарламасына енгізу бастамасын жоғары бағалап, бұл тәсілдің климаттық күн тәртібіне мәдени мұра перспективасынан жаңа көзқарас әкелетінін атап өтті.
Тараптар соңғы жылдары жүзеге асырылған салалықаралық бастамалар туралы да пікір алмасып, мәдени мұра мен қоршаған ортаны қорғау, қала дамуы және тұрақты даму салаларының өзара байланысы қазіргі заманның сын-қатерлеріне жауап беретін маңызды бағыттардың бірі екені атап өтілді. Бұл контексте Түркі мәдениеті мен мұрасы қорының қызметі ерекше маңызды деп танылды.
Кездесу өзара мүдделі мәселелерді талқылау және болашақ ынтымақтастық перспективалары бойынша пікір алмасумен аяқталды.
