BAKI,TurkicWorld, Nailə Babazadə
İranın ali lideri Ayətullah Seyid Əli Xamenei ilə planlaşdırılan vida mərasiminin vaxtı dəyişdirilib. Bu barədə məlumatı İranın rəsmi media qurumları yayıb.
TurkicWorld xəbər verir ki, mərasimin təxirə salınmasına səbəb kimi, vida tədbirinə qatılacaq vətəndaşların sayının həddindən artıq çox olacağı ehtimalı göstərilib. Bildirilir ki, izdihamın idarə olunması və təhlükəsizliyin tam təmin edilməsi üçün əlavə hazırlıq tədbirlərinin görülməsinə ehtiyac yaranıb.
Qeyd edək ki, ilkin plana əsasən, vida mərasimi bu gün yerli vaxtla saat 22:00-da başlamalı idi. Mərasimin yeni keçirilmə vaxtı barədə hələlik rəsmi açıqlama verilməyib.
