BAKI, TurkicWorld
Yaponiyada 6,1 bal gücündə zəlzələ olub
TurkicWorld xəbər verir ki, Almaniyanın Yer Elmləri Araşdırma Mərkəzi Yaponiyanın Hokkaydo bölgəsində 6,1 bal gücündə zəlzələnin baş verdiyini açıqlayıb.
Məlumata görə, yeraltı təkanlar 10 kilometr dərinlikdə qeydə alınıb. Yaponiya Meteorologiya İdarəsi isə zəlzələnin 20 kilometr dərinlikdə baş verdiyini bildirib.
Zəlzələnin episentri Hokkaydo adasının şərq sahillərində yerləşib. Hadisə ilə bağlı sunami xəbərdarlığı verilməyib və ilkin məlumatlara əsasən, dağıntı qeydə alınmayıb.
