Bakı, TurkicWorld
ABŞ prezidenti Co Bayden İsrailin baş naziri Benyamin Netanyahu ilə telefon danışığında onu Qəzza zolağında girovların azad edilməsi və atəşkəslə bağlı HƏMAS ilə saziş bağlamağa çağırıb.
TurkicWorld-in məlumatına görə, bu barədə "Axios" portalı xəbər verib.
"Axios" mənbələrinin məlumatına əsasən, danışıq İsrail Nazirlər Kabinetinin Livanda atəşkəs razılaşmasını təsdiqləməsindən sonra baş tutub. Danışıq zamanı HƏMAS ilə razılaşmaya və girovların azad edilməsi məsələsinə toxunulub.
"İndi imkanımız var. Gəlin girovları azad edək", - deyə Bayden bildirib.
Bildirilib ki, İsrailin baş naziri müsbət reaksiya verib və bildirib ki, o girovları azad etməyə cəhd etmək istəyir.
