Bakı, TurkicWorld
İsrailin baş naziri Binyamin Netanyahu bu gün (cümə axşamı) İsrail və Livan arasında atəşkəs təklifi ilə bağlı yayılan xəbərlərə münasibət bildirərək, bu təklifin rədd edildiyini bildirib.
TurkicWorld ArabAZ-a istinadən xəbər verir ki , Netanyahunun ofisindən verilən açıqlamada deyilir ki , “Bu, Amerika-Fransa təklifidir və baş nazirin hələ buna cavab verməyib” .
“Baş nazir İsrail ordusuna bütün gücü ilə və ona təqdim olunan planlara uyğun olaraq döyüşü davam etdirməyi əmr edib”-deyə açıqlamada deyilir.
Qəzza zolağındakı döyüşlərə gəlincə, Netanyahunun ofisi “müharibənin bütün məqsədlərinə çatana qədər davam edəcəyini” bildirib.
İsrailin xarici işlər naziri İsrael Katz, “X” platformasında yayımlanan açıqlamada deyib ki, “Şimalda atəşkəs olmayacaq. Qələbə olana və şimaldakı əhalimizin öz evlərinə sağ-salamat qayıdana qədər bütün gücümüzlə (Hizbullah) mübarizəmizi davam etdirəcəyik”.
Qeyd edək ki, ABŞ və Fransa münaqişənin diplomatik həllinə vaxt vermək üçün döyüşləri 21 günlük dayandırmağa çağırıb.
Bundan əlavə, mənbələr Haaretz qəzetinə bildiriblər ki, hakim koalisiya hazırkı müdafiə naziri Yoav Qalantı “sadiq” insanlardan biri ilə əvəz etməyə çalışır.
Qəzet Netanyahunun Likud partiyasındakı mənbələrə istinadən Netanyahunun Gallantı əvəzləyəcək “planlarından əl çəkmədiyini” bildirib və qeyd edib ki, “şimal cəbhəsində hərbi əməliyyatların ən gərgin mərhələsi başa çatan kimi bu dəyişiklik baş verəcək”.
