Bakı. TurkicWorld:
Ağ Ev İsraildən Qəzzaya yardım etməyi tələb edib.
TurkicWorld xəbər verir ki, bu barədə ABŞ Milli Təhlükəsizlik Şurasının sözçüsü Con Kirbi jurnalistlərə bildirib.
“Yaxın saatlarda və günlərdə Qəzzada görmək istədiyimiz və görəcəyimiz şey humanitar yardımın daxil olması, əlavə keçidlərin açılması, mülki şəxslərə və şübhəsiz ki, yardım işçilərinə qarşı zorakılığın azalmasıdır” – deyə o bildirib.
Bu arada Qəzzada döyüşlər davam edir. İsrailin Qəzzanın cənubunda BMT-nin fələstinli qaçqınlarla işləyən agentliyi olan UNRWA-nın qida paylama məntəqəsinə endirdiyi zərbə nəticəsində agentliyin bir əməkdaşı həlak olub, 22 nəfər yaralanıb.
UNRWA-nın məlumatına görə, son beş ayda gedən döyüşlər zamanı agentliyin həlak olan işçilərinin sayı 165-ə çatdırıb.
Qəzzanın səhiyyə orqanları UNRWA anbarının həyətinə endirilən zərbə nəticəsində ümumilikdə 5 nəfərin öldüyünü bildirib.
Tasnem Ismukhan
