Bakı. TurkicWorld:

Polşanın baş naziri Donald Tusk Rusiyanın Ukraynaya iki ildən bir qədər əvvəl işğalının Avropada yeni müharibə dövrünün müjdəçisi olduğunu açıqlayıb.

TurkicWorld xəbər verir ki, bu barədə Almaniya Xəbər Agentliyi məlumat yayıb.

“Mən heç kimi qorxutmaq istəmirəm, amma müharibə artıq keçmişdən gələn bir anlayış deyil. Bilirəm ki, bu, xüsusilə gənc nəsil üçün dağıdıcı görünür, lakin biz yeni bir dövrün başladığına öyrəşməliyik. Müharibədən əvvəlki və sonrakı dövr. Hazırda ən narahatedici şey sözün əsl mənasında istənilən ssenarinin mümkün olmasıdır”, - deyə o əlavə edib.

Eyni zamanda, Tusk Avropa mentalitetində bir inqilab müşahidə etdiyini açıq şəkildə qeyd edib.

Rusiyanın miqrantları istismar etməsi fonunda o, Avropa Birliyinin xarici sərhədlərinin daha ardıcıl şəkildə qorunmasına çağırıb.
“Bütün Avropa İttifaqı güclü bir təşkilat olaraq sərhədlərimizin və ərazilərimizin təhlükəsizliyi üçün mübarizə aparmağa zehni olaraq hazır olmalıdır”, - deyə o bildirib.

Qeyd edək ki, Polşa Silahlı Qüvvələrinin Əməliyyat Komandanlığı Rusiyanın Ukraynaya raket zərbələri endirməsindən sonra bu gün səhər tezdən Polşa və müttəfiqlərinə aid təyyarələrin ölkənin hava məkanına yerləşdirib.