Bakı. TurkicWorld:
Türkiyənin Qaziantep vilayətində axtarış-xilasetmə işləri tamamlanıb.
TurkicWorld xəbər verir ki, bunu ölkənin ətraf mühit, şəhərsalma və iqlim dəyişikliyi naziri Murat Kurum deyib.
Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Təbii fəlakət nəticəsində 39 672 nəfər həlak olub.
