Bakı. TurkicWorld:
İndiyədək 4700-ə yaxın afterşok olub. Çox qeyri-adi bir vəziyyətdir.
TurkicWorld-un məlumatına görə, bunu Türkiyənin Fövqəladə Halların İdarə Olunması Agentliyinin (AFAD) zəlzələ riski azaldılması üzrə baş direktoru Orhan Tatar deyib.
"Hər 4 dəqiqədən bir zəlzələ baş verir. Bu afterşokların əksəriyyəti hiss olunur. 3,5 və daha yuxarı bal gücündə çoxlu afterşoklar var, lakin 4 və daha yuxarı bal gücündə afterşoklar 40-a yaxındır. Bunlar yaxın günlərdə də davam edəcək. Xüsusilə 5-dən yuxarı baş verə biləcək afterşoklarla qarşılaşa bilərik", - deyə o əlavə edib.
Xatırladaq ki, ötən gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
