BAKI,TurkicWorld,Yusif Şərifzadə
Türkiyənin xarici işlər naziri Hakan Fidan bölgədə davam edən müharibənin tərəflərinin dağıdıcı qarşıdurmanı davam etdirmək üçün müxtəlif üsullar hazırladığını bildirib. O, bu prosesin dayandırılmasının vacibliyini vurğulayıb.
TurkicWorld xəbər verir ki, Fidan davam edən müharibə ilə bağlı açıqlamasında tərəflərin qarşılıqlı şəkildə daha çox zərər vurmasının bölgəni məhv edəcəyini deyib.
Türkiyənin xarici işlər naziri bildirib ki, bölgədəki ölkələrin bir-birini daha da zəiflətməsinə ehtiyac yoxdur. Onun sözlərinə görə, belə yanaşma nəticə etibarilə bütün region üçün dağıdıcı nəticələr yarada bilər.
Fidan qeyd edib ki, münaqişələrin uzadılması və yeni qarşıdurma üsullarının tətbiqi əvəzinə gərginliyin azaldılması və siyasi həll yollarının tapılması vacibdir.
Türkiyə rəsmisi beynəlxalq ictimaiyyəti bölgədə sabitliyin və təhlükəsizliyin təmin olunması üçün daha fəal mövqe nümayiş etdirməyə çağırıb.
