BAKI, TurkicWorld
Nazir Fidan ASEAN çərçivəsində bir sıra ikitərəfli görüşlər keçirib.
TurkicWorld xəbər verir ki, Türkiyənin xarici işlər naziri Hakan Fidan Malayziyanın paytaxtı Kuala Lumpurda keçirilən ASEAN-ın 58-ci Xarici İşlər Nazirləri Toplantısında iştirak çərçivəsində bir sıra ölkələrin xarici işlər nazirləri ilə görüşüb.
Türkiyə Xarici İşlər Nazirliyinin X sosial media platformasında verdiyi məlumata görə, Fidan Malayziya, Bruney, Sinqapur, Papua Yeni Qvineya və Laosun xarici işlər nazirləri ilə ayrı-ayrılıqda müzakirələr aparıb. Görüşlərdə qarşılıqlı münasibətlər, regional əməkdaşlıq və beynəlxalq gündəmdəki aktual məsələlər ətrafında fikir mübadiləsi aparıldığı bildirilib.
Qeyd edək ki, Hakan Fidan dünən Avstraliyanın xarici işlər naziri Penni Vonq ilə də görüş keçirib.
