Bakı, TurkicWorld
Türkiyə Silahlı Qüvvələri tərəfindən İraq və Suriyanın şimalında səkkiz terrorçu zərərsizləşdirilib.
TurkicWorld xəbər verir ki, bu barədə Türkiyə Milli Müdafiə Nazirliyi paylaşım edib.
İraqın şimalındakı Hakurk bölgəsində 4 PKK terrorçusu, Suriyanın şimalında isə Fərat Qalxanı bölgəsində şəxsiyyəti müəyyən edilən 4 PKK/YPG terrorçusu zərərsizləşdirilib.
“Türk Silahlı Qüvvələrimiz, İraqın şimalındakı Hakurk bölgəsində müəyyən etdiyi 4 PKK terrorçusunu, Suriyanın şimalında isə Fərat Qalxanı bölgəsində müəyyən etdiyi 4 PKK terrorçusunu zərərsizləşdirib.” – deyə paylaşımda qeyd edilib.
Bildirilib ki, bölgədə bir nəfər də olsun terrorçu qalmayana qədər əməliyyatlar davam etdiriləcək.
Hafiz Rufizoğlu
