Bakı. TurkicWorld:
Türkiyənin Türk Hava Yolları (THY) aviaşirkəti üç ildən sonra Əfqanıstana uçuşları bərpa edib.
TurkicWorld xəbər verir ki, təyyarəni Türkiyənin Kabildəki səfirliyinin rəsmiləri, Türkiyənin Əfqanıstandakı qurumlarının nümayəndələri və Əfqanıstanın müvəqqəti hökumətinin rəsmiləri qarşılayıblar.
Məlumata əsasən, THY-nin İstanbul-Kabil reysləri həftədə dörd dəfə olmaqla çərşənbə axşamı, çərşənbə, cümə və bazar günləri həyata keçiriləcək.
Qeyd edək ki, Türk Hava Yolları 2021-ci ilin avqustunda Əfqanıstanda rəhbərlik dəyişikliyi ilə əlaqədar uçuşları dayandırıb.
