Bakı. TurkicWorld:
Türkiyənin ASELSAN şirkəti tərəfindən pilotsuz uçuş aparatları (PUA), helikopterlər və təyyarələr üçün hava platformaları üçün hazırlanmış elektro-optik kəşfiyyat, müşahidə və hədəf təyinetmə sistemləri ASELFLİR-500 və ASELFLİR-410-un ilk kütləvi istehsalı həyata keçirilib.
Bu barədə TurkicWorld-a Türkiyə hərbi mənbələrindən məlumat verilib.
Məlumata əsasən, ilk ASELFLİR-500 və ASELFLİR-410 məhsulları Türkiyə Silahlı Qüvvələrinə çatdırılmaq üçün qablaşdırılıb.
“Embarqolara cavab verən sistemlər milli resurslarla işlənib hazırlanıb və öz sahəsində dünyada ən yaxşılarıdır", - deyə məlumatda qeyd edilib.
