Bakı. TurkicWorld:
Türk müdafiə sənayesinə töhfə verən KOBİ-lər həm milli döyüş təyyarəsi KAAN-a güc qatacaq, həm də bu prosesdə imkanlarını artıracaq.
TurkicWorld-un məlumatına görə, Ostim Müdafiə və Aviasiya Klasterinin (OSSA) İdarə Heyətinin sədri və DORA Makina şirkətinin baş direktoru İbrahim Yarsan verdiyi açıqlamada KAAN-ın ilk uçuşunun və ölkənin bu mərhələlərə çatmasının qürur mənbəyi olduğunu bildirib.
OSSA-nın bir çox KOBİ-ni ehtiva etdiyinə diqqət çəkən Yarsan, KAAN layihəsinin KOBİ-lərə çətin işlərin və görülməsi lazım olan bir çox işin olduğunu göstərəcəyini bildirib.
"KAAN-ın ilk uçuşu və milli döyüş təyyarəmizin səmaya qalxması onu göstərir ki, KOBİ-lər də onun kimi gərgin işlərlə yüksəlməlidir. İndiyə qədər bir çox layihələrdə iştirak edən KOBİ-lərimiz burada da iştirak etməyə davam edəcək. Bizim üzv şirkətlər də KAAN layihəsində çalışırlar. Ümid edirəm ki, onların uğurları davam edəcək. Bir çox KOBİ şirkətləri üçün intensiv iş imkanları olacaq. Bu mühüm hissə milli döyüş təyyarəsinə malik olmaqla yanaşı, ölkəmiz üçün çox dəyərlidir. Biz, bu layihəyə və gələcək layihələrə hər zaman hazır olmuşuq, bundan sonra da hazır olacağıq. Bu uğurlar davam edəcək",- deyə o bildirib.
İbrahim Yarsan, KAAN kimi layihələrə töhfə verəcək 17-19 aprel tarixlərində Ankarada keçiriləcək Müdafiə və Aviasiya Sənayesi Əməkdaşlıq Günləri (ICDDA) tədbirində əsas podratçıların yeni subpodratçılar və KOBİ-lərlə bir araya gələcəyini bildirib.
Türkiyədəki KOBİ-lərin gücünü xaricdən gələn şirkətlərin də gördüyünü vurğulayan Yarsan, bu gücün KAAN-da öz əksini tapacağını vurğulayıb.
Qeyd edək ki, Türkiyənin Aerokosmik Sənaye şirkəti (TUSAŞ) tərəfindən hazırlanan milli döyüş yəyyarəsi KAAN 21 fevral tarixində ilk uçuşunu həyata keçirib.
Döyüş təyyarəsinin məqsədi ABŞ-dan alınan F-16 və F-35 qırıcı təyyarələrini əvəz etməkdir. Milli Döyüş Təyyarəsinin ilk sınaq uçuşu 2023-cü il martın 16-da keçirilib və uğurla tamamlanıb.
2023-cü il mayın 1-də Türkiyə prezidenti Rəcəb Tayyib Ərdoğan Ankarada keçirilən “İstikbalin Yüzyılı” proqramında Milli Döyüş Təyyarəsinə KAAN adını verib.
Milli Döyüş Təyyarəsi radar dalğalarını yumşaltmaq qabiliyyətinə malik kompozit materiallardan hazırlanıb və qoşa mühərriklər, aşağı görmə qabiliyyəti, təkmil atəş sistemləri və iki funksiyalı radar kimi xüsusiyyətlərə malikdir.
