Bakı. TurkicWorld:

İsveçin NATO-ya üzvlüyü ilə bağlı tənzimləmə bu gün Türkiyə Böyük Millət Məclisində səsə qoyulacaq.

TurkicWorld-un məlumatına görə, protokolun qəbul edilməsi üçün Baş Assambleyada iştirak edən parlament üzvlərinin mütləq əksəriyyətinin səsi tələb olunacaq.

Qanun, parlamentin təsdiqindən sonra Türkiyə prezidenti Rəcəb Tayyib Ərdoğan tərəfindən imzalanmalıdır.

Türkiyə Böyük Millət Məclisi tərəfindən qəbul edilərsə və prezident Ərdoğan tərəfindən imzalansa, İsveç NATO-nun 32-ci üzvü kimi Avro-Atlantik təhlükəsizlik alyansına qoşulacaq.

Qeyd edək ki, İsveçin NATO-ya üzvlüyü ilə bağlı protokol ilk dəfə 2023-cü il noyabrın 16-da TBMM-nin Xarici Əlaqələr Komissiyasının gündəliyinə çıxarılıb.

Qoşulma Protokolu, 2023-cü ilin dekabrın 26-da Parlamentin Xarici Əlaqələr Komitəsi tərəfindən qəbul edilib.

Aytac Süleymanova

Twitter: a_alieva_