Bakı. TurkicWorld:
Vyetnam Baş naziri Pham Minh Chinh 29 noyabr-3dekabr tarixlərində Türkiyədə rəsmi səfərdə olacaq.
TurkicWorld xəbər verir ki, bu barədə Vyetnamın xarici işlər nazirinin müavini Do Hunq Vyet BMT-nin İqlim Dəyişikliyi üzrə 28-ci Konfransında (COP28) bildirib.
Məlumata əsasən, bu, Vyetnam Baş nazirinin Türkiyəyə ilk rəsmi səfəridir.
Səfərin Vyetnam ilə Türkiyə arasında iqtisadiyyat, ticarət və investisiyalar, innovasiya, elm-texnologiya və enerji kimi yeni sahələrdə əməkdaşlıq üçün yeni töhfələr verəcəyi gözlənilir.
Bundan əlavə, Baş nazir Türkiyənin aparıcı müəssisələri, korporasiyaları və investisiya fondlarının nümayəndələri ilə görüş keçirəcək.
