Bakı. TurkicWorld:
Türkiyədə gəmilərin istənilən hava və dəniz şəraitində təhlükəsiz işləməsini təmin edən və xaricdən tədarük edilən, gəmilərdə döyüş tapşırıqlarını yerinə yetirən sistem ilk dəfə yerli imkanlarla istehsal edilib.
TurkicWorld-un məlumatına görə, STM Müdafiə Texnologiyaları Mühəndislik və Ticarət A.Ş. hərbi dənizçilik sahəsində kritik lokallaşdırma və milliləşdirmə addımlarına bir yenisini əlavə edib.
STM və Robotek Otomasyon Texnologiya arasında əməkdaşlıq ilə yerüstü döyüş gəmilərinin külək, dalğa, axın və fırtına kimi xarici faktorlara görə məruz qaldıqları qüvvələri udaraq təhlükəsiz şəkildə döyüş tapşırıqlarını davam etdirmələrini təmin edən sistem milliləşdirilib.
Sistem, STM tərəfindən həyata keçirilən ixrac layihəsi çərçivəsində iki korvetə inteqrasiya olunacaq. Sistemin Türkiyənin milli freqat layihəsi çərçivəsində MİLGEM 6-cı, 7-ci və 8-ci gəmilərinə inteqrasiyası gözlənilir.
Gəminin hər iki istiqamətdə həddindən artıq əyilməsinə müqavimət göstərmək üçün hazırlanmış bu sistem, gəmilərin dənizlərdə işləmə qabiliyyətini təmin edir. Şəxsi heyətin təhlükəsizliyini və platformanın əməliyyat səmərəliliyini artıran sistem, çətin dəniz şəraiti və gəminin naviqasiya, döyüş vəziyyətlərində qarşılaşacağı ani manevr hərəkətləri nəticəsində yaranan hərəkətləri minimuma endirir. Dənizdə vertolyot əməliyyatlarını, atış zamanı silahın stabilləşməsini, təchizat, material və personal transferini dəstəkləyən bu sistem, sərt dəniz şəraitinə davamlı dizaynı, avtomatik və adaptiv əməliyyat xüsusiyyətləri ilə seçilir.
STM baş direktoru Özgür Güleryüz, Müdafiə Sənayesi Başçılığının rəhbərliyi ilə müdafiə sahəsində tam müstəqil Türkiyəni həyata keçirmək üçün addım-addım irəlilədiklərini söyləyib.
"Milliləşdirilən yeni sistem gəminin daşınması zamanı stabil və təhlükəsiz irəliləyişini dəstəkləmək üçün uyğunlaşma reaksiyalarını təmin edən və bu mənada gəminin təhlükəsizliyini təmin edə bilən mühüm kritik sistemlərdən biridir. Bu, xaricdən alına biləcək bir həll idi. Bu araşdırmalardan sonra mövcud gəmilərimiz bundan sonra fərqli tonaj modelləri ilə inkişaf etdiriləcək. Bu layihəni həyata keçirməklə, fərqli ölçülü gəmilər üçün mühəndislik bacarıqları qazandıq. Ekosistemimizlə birlikdə böyümək istəyirik. Ekosistem nə qədər güclü olarsa, platforma tərtibatçısı və istehsalçısı olaraq özümüzü daha təhlükəsiz və güclü hiss edirik. Xüsusilə, bizim ixrac motivasiyamız çox yüksəkdir. Ekosistemin gücünü hiss edərək xaricdə hər cür həll, platforma və inteqrasiya fəaliyyətlərini həyata keçirə biləcəyimizi düşünürük. Sistem gəminin atəşə tutulmaq üzrə olduğu zaman stabilizasiya baxımından çox daha dəqiq dəstək verə biləcək, hansı ki, bu, helikopterin platformaya təhlükəsiz enişini təmin edəcək vertolyot əməliyyatlarında əhəmiyyətli bir bacarıqdır",- deyə STM direktoru bildirib.
Özgür Güleryüz qeyd edib ki, ixrac etdiyimiz sistemi iki korvetə quraşdıracağıq. İnşallah, bu həll MİLGEM 6-cı, 7-ci və 8-ci gəmilərində yenidən istifadə olunacaq. Həm də əldə etdiyimiz bu bacarığı bundan sonra dizayn edəcəyimiz hər cür gəmiyə uyğunlaşdırmaq bacarığına sahib olacağıq.
Aytac Süleymanova
