Bakı. TurkicWorld:
Türkiyənin Trabzon şəhərində yeni hava limanı tikiləcək.
TurkicWorld xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu məlumat verib.
Məlumata əsasən, nazir Uraloğlu bildirib ki, Trabzonda artan sərnişin və turizm trafiki ilə bağlı yeni hava limanına ehtiyac var.
Qeyd edək ki, 2023-cü ilin yanvar-iyul aylarında Trabzon Hava Limanından istifadə edən turistlərin sayı 737 min 137 nəfərə çatıb.
2023-cü ilin yanvar-iyul aylarında Trabzon Hava Limanında Azərbaycandan 50, Almaniyadan 260, BƏƏ-dən 598, Bəhreyndən 236, İraqdan 35, İsraildən 59, Qətərdən 57, KKTC-dən 87, Küveytdən 521, Səudiyyə Ərəbistanından 1166, Omandan 488 və İordaniyadan 352 olmaqla, ümumilikdə, 3 min 909 uçuş həyata keçirilib.
Ləman Əsədli
Twitter: Lamanasadli01
