Bakı. TurkicWorld:
Dağılan bütün infrastruktur yenidən inşa edilənə qədər zəlzələnin yaşandığı bölgəni tərk etməyəcəyik.
TurkicWorld-un məlumatına görə, bu sözləri Türkiyə Prezidenti Rəcəb Tayyib Ərdoğan martın 23-də Kahramanmaraşda, 24-də isə Hatayda baş verən zəlzələ nəticəsində dağılmış binaların və yeni dövlət xəstəxanalarının təməlqoyma mərasimində çıxışı zamanı deyib.
"Zəlzələdən təxminən bir ay yarım sonra axtarış-xilasetmə işləri sona çatıb. Dağıntıların aradan qaldırılması ilə əlaqədar görülən işlər sürətlə davam edir. Müvəqqəti sığınacaqların sayı artırılıb və daimi yaşayış məntəqələri inşa edilib",- deyə Ərdoğan bildirib.
Xatırladaq ki, fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Zəlzələ nəticəsində həlak olanların sayı 50 min nəfəri keçib.
