Bakı,TurkicWorld
Noyabrın 5-də Türkiyə Respublikasının Prezidenti Rəcəb Tayyib Ərdoğan Qırğızıstan Respublikasına dövlət səfərinə gedəcək.
TurkicWorld xəbər verir ki, qarşıdan gələn səfər çərçivəsində Qırğızıstan və Türkiyə başçıları arasında dar tərkibdə danışıqların aparılması planlaşdırılır.
Həmçinin, iki dövlət başçılarının sədrliyi ilə Strateji Əməkdaşlıq üzrə Ali Şuranın altıncı iclası keçiriləcək.
Səfərin yekununda iki ölkə arasında strateji əməkdaşlığın genişləndirilməsi və dövlətlərarası əlaqələrin daha da möhkəmləndirilməsinə yönəlmiş bir sıra ikitərəfli sənədlərin imzalanması planlaşdırılır.
Həmçinin qeyd olunub ki, noyabrın 6-da Türkiyə Respublikasının Prezidenti Rəcəb Tayyib Ərdoğan da Türk Dövlətləri Təşkilatının Zirvə toplantısında iştirak edəcək.
