Bakı, TurkicWorld
Azərbaycan Respublikasının Diasporla İş üzrə Dövlət Komitəsinin sədri Fuad Muradov və MÜSİAD Azərbaycan İdarə Heyətinin sədri Rəşad Cabirli bir araya gəlib.
TurkicWorld xəbər verir ki, bu haqda Cabirli öz sosial media hesabından məlumat verib.
"82 fərqli ölkədə 179 şöbəsiylə 14000 sahibkarı birləşdirən Türkiyənin ilk iş insanları dərnəyi olan MÜSİAD və Diasporla İş üzrə Dövlət Komitəsi arasında mümkün əməkdaşlıq istiqamətləri ilə bağlı geniş müzakirələr apardıq.",- deyə Cabirli bildirib.
Bu məqsədlə işçi qrupun yaradılması ilə bağlı qərar verildiyini deyən Cabirli, "İnanırıq ki, bu görüş "Tək Millət" olan xalqlarımız arasında qlobal miqyasda diaspora fəaliyyətlərimiz üçün faydalı olacaqdır.",- deyə əlavə edib.
