Rusiya-Ukrayna gərginliyində dialoqu davam etdirmək və diplomatiya yolu ilə nəticə əldə etmək hamımızın ortaq arzusudur. Biz təzyiqi aşağı salmaq üçün üzərimizə düşəni edirik.
TurkicWorld-un məlumatına görə, bunu Türkiyənin milli müdafiə naziri Hulusi Akar NATO müdafiə nazirlərinin iclasından sonra yerli jurnalistlərə açıqlamasında deyib.
H.Akar qeyd edib ki, Türkiyənin Rusiya-Ukrayna böhranına münasibəti ilk gündən bəri açıq və konkretdir.
"Mövqeyimiz ən yuxarı səviyyələrdə-Prezident və nazirlər səviyyəsində həmişə dilə gətirilib. Regiondakı gərginliyin soyuqqanlı həllinin tərəfdarıyıq. Bu mənada Qara dəniz sahili ölkələrinin hüzur və rifah içində yaşamasını istəyirik", - deyə o qeyd edib.