Bakı. TurkicWorld:

AZTV-nin əməkdaşlarına edilən mənfur hücuma işıq salmaq üçün bütün imkanlarımızdan istifadə edəcəyik.

TurkicWorld-un məlumatına görə, bu haqda Türkiyə Prezident Administrasiyasının Kommunikasiya İdarəsinin rəhbəri Fahrettin Altun deyib.

"Biz gözləyirik ki, Fransa rəsmiləri və hüquq-mühafizə orqanları hücumun səbəbkarlarını dərhal müəyyənləşdirib məsuliyyətə cəlb edəcəklər. Avropanın insan hüquq və azadlıqlarının müdafiəsi kontekstində günü-gündən yüksəklik itirdiyini ortaya qoyan mətbuat və məlumat azadlığına edilən bu mənfur hücumu qətiyyətlə pisləyirik." - deyə o qeyd edib.

Fahrettin Altun bildirib ki, hücum zamanı yaralanan azərbaycanlı jurnalistlərə şəfalar diləyirik.

Xatırladaq ki, AzTV-nin Fransada çəkiliş aparan əməkdaşlarına hücum olub.