BAKI, TurkicWorld
Yaponiya müdafiə naziri Hen Nakatani sentyabrın əvvəlində Cənubi Koreyaya səfər etmək niyyətindədir.
TurkicWorld-in "Yonhap"a istinadən məlumatına görə, bu barədə Nakatani cənubi koreyalı həmkarı An Qyu-bək ilə keçirilən onlayn görüşdə bildirib.
Səfər təsdiqlənərsə, bu, 2015-ci ildən bəri Yaponiya müdafiə nazirinin Cənubi Koreyaya ilk rəsmi ziyarəti olacaq.
Qeyd edək ki, Nakatani ötən ilin dekabrında Seula səfər etməyi planlaşdırsa da, ölkədəki gərginliklər səbəbindən səfər təxirə salınmışdı.
