BAKI,TurkicWorld
Qırğızıstanın paytaxtı Bişkek şəhərində 6-cı Dünya Köçəri Oyunlarının açılış mərasimi keçirilir.
TurkicWorld xəbər verir ki, Azərbaycan Respublikasının Prezidenti İlham Əliyev və Birinci xanım Mehriban Əliyeva mərasimdə iştirak edirlər.
Beynəlxalq idman və mədəniyyət tədbiri müxtəlif ölkələrdən nümayəndələri bir araya gətirir. Dünya Köçəri Oyunları köçəri xalqların tarixi, mədəni irsi və ənənəvi idman növlərinin nümayiş etdirildiyi mühüm tədbirlərdən biri hesab olunur.
Tədbirdə iştirak edən dövlət və hökumət nümayəndələri arasında Azərbaycan nümayəndə heyəti də yer alır.
6-cı Dünya Köçəri Oyunlarının Bişkekdə keçirilməsi Qırğızıstanın qədim köçəri mədəniyyətinin və türk dünyasının ortaq irsinin təbliği baxımından mühüm hadisə kimi qiymətləndirilir.
