Bakı. TurkicWorld:
2023-cü il mayın 1-də pul bazası təqribən 17,61 milyard manat olub ki, bu da 2022-ci ilin analoji dövrünün göstəricisindən 20,9 faiz və ya 3,045 milyard manat çoxdur.
Bu barədə TurkicWorld-a Azərbaycan Mərkəzi Bankından məlumat verilib.
2022-ci ilin aprel ayında Azərbaycanda pul bazası 14,564 milyard manatdan yuxarı olub.
Qeyd edək ki, mayın əvvəlində pul bazasının göstəricisi 2023-cü il aprelin əvvəlinə olan göstəricidən 0,44 faiz və ya 79 milyon manat aşağı olub.
Pul bazasına kommersiya banklarının dövriyyədə olan nağd və sərbəst bank və icbari ehtiyatları daxildir.
