...

Keçən il Türkiyədə qeydə alınan Almaniya şirkətlərinin sayı artıb (ÖZƏL)

İqtisadiyyat Digər xəbərlər 25 Yanvar 2023 16:00
TurkicWorld Daspina Hasanova
Keçən il Türkiyədə qeydə alınan Almaniya şirkətlərinin sayı artıb (ÖZƏL)

Ankara . TurkicWorld:

Keçən il Türkiyədə Almaniya kapitalı ilə 484 şirkət qeydiyyata alınıb ki, bu da 2021-ci ilin eyni dövrü ilə müqayisədə 177 şirkət çoxdur.

Bu barədə TurkicWorld-a Türkiyə Ticarət və Sənaye Palatasından (TOBB) məlumat verilib.

Məlumatda qeyd olunur ki, hesabat dövründə, qeydiyyata alınan Almaniya şirkətlərinin sayı ilə bərabər, onların ümumi kapıtalıda artıb.

“2022-ci ilin dekabr ayında Türkiyədə qeydiyyata alınan Almaniya şirkətlərinin məcmu kapitalı 251,2 milyon türk lirəsi olduğu halda, 2021-ci ilin eyni dövründə bu rəqəm 133,7 milyon türk lirəsi təşkil edib”-deyə TOBB-dan bildirilib.

TOBB-dan o da qeyd olunub ki, 2022-ci ilin yanvar-dekabr aylarında Almaniya şirkətlərinin əksəriyyəti İstanbulda (283) qeydiyyata alınıb.

“İstanbulda qeydiyatdan keçən Almaniya şirkətlərinin ümumi kapitalı 109,8 milyon türk lirəsi təşkil edib” –deyə TOBB-dan bildiriblər.

Qeyd olunub ki , 2022-ci ilin yanvar-dekabr aylarında Türkiyədə Almaniya kapitalı ilə 170 topdan və pərakəndə ticarət şirkəti qeydiyyata alınıb.

Qalan şirkətlər iqtisadiyyatın digər sahələrində iştirak edir.

Məqalədə:
Xəbərlər

Xəbər lenti