Bakı, TurkicWorld
2024-cü ilin yanvar-avqust aylarında Türkiyənin Aliağa limanının yük dövriyyəsi 57 milyon 787 min 300 ton olub.
Bu barədə TurkicWorld-a Türkiyənin Nəqliyyat və İnfrastruktur Nazirliyindən məlumat verilib.
Nazirlikdən verilən məlumata görə, Aliağa limanının yük dövriyyəsinin 2 milyon 178 min 623 ton Türkiyə bayraqlı gəmilərlə, 44 milyon 389 min 980 tonu isə digər ölkələrin bayraqları altında üzən gəmilərlə həyata keçirilib.
2024-cü ilin yanvar-avqust aylarında Aliağa limanından 3 milyon 842 min 658 ton tranzit yük aşırılıb.
Qeyd edək ki, 2024-cü ilin avqust ayında Türkiyə limanlarının yük dövriyyərisi 31 milyon 474 min 554 ton olub. Bu dövr ərzində Türkiyə bayrağı altında üzən gəmilərlə daxili limanlara yük qəbulu 2 milyon 578 min 844 ton təşkil edib.
“Türkiyə limanlarında digər ölkərin bayraqları altında üzən gəmilərlə yük daşıma dövriyyəsi 29 milyon 11 min 669 ton olub”, – deyə nazirlikdən bildirilib.
Bununla yanaşı, 2024-cü ilin avqust ayında Türkiyə limanlarında transit yük daşıma dövriyyəsi 5 milyon 673 min 127 ton təşkil edib.
Nazirlikdən verilən məlumata görə, 2024-cü ilin yanvar-avqust aylarında Türkiyə limanları 267 milyon 808 min 760 ton yük qəbul edib.
“Türkiyə bayrağı altında gəmilərlə yük qəbulu 19 milyon 918 min 491 ton təşkil edib. Digər ölkələrin bayraqları altında gəmilərlə isə Türkiyə limanlarına yükdaşımalar 247 milyon 890 min 269 ton təşkil edib”, – deyə məlumatda qeyd edilib.
Məlumatda bildirilib ki, 2024-cü ilin yanvar-avqust aylarında Türkiyə limanlarından 33 milyon 388 min 386 ton transit yük daşınıb.
Qeyd edək ki, bu ilin yanvar- avqust ayında Türkiyə limanları 40 min 846 gəmi qəbul edib.
Bu dövrdə Türkiyə limanlarına digər ölkələrin bayraqları altında qəbul edilən gəmilərin sayı 3 min 535, Türkiyə bayrağı altında qəbul edilən gəmilərin sayı isə 2 min 331 olub.
