Bakı. TurkicWorld:

2023-cü ilin yanvar-avqust aylarında Liviyadan Türk limanlarına 2 milyon 228 min 571 ton yük daşınıb.

Bu barədə TurkicWorld-a Türkiyənin Nəqliyyat və İnfrastruktur Nazirliyindən məlumat verilib.

Nazirlikdən verilən məlumata görə, Türkiyə bayrağı altında üzən gəmilər Liviyadan limanlara 396 min 280 ton, digər ölkələrin bayraqları altında üzən gəmilər isə 1 milyon 886 min 554 ton yük çatdırıb.

Bu müddət ərzində Liviya bayraqlı gəmilərlə Türkiyə limanlarına 5 min 737 yük çatdırılıb. 2023-cü ilin yanvar-avqust aylarında Türkiyə limanlarına Liviyadan 125 min 599 tranzit yük daşınıb.

Qeyd edək ki, 2023-cü ilin avqust ayında Türkiyə limanları 33 milyon 374 min 278 ton yük qəbul edib.

Bu dövr ərzində də Türkiyə bayrağı altında gəmilərlə daxili limanlara yük qəbulu 2 milyon 371 min 122 ton təşkil edib.

Türkiyə limanlarına digər ölkələrin bayraqları altında gəmilərlə yük daşınması 31 milyon 3 min 156 ton olub.

Bununla yanaşı, 2023-cü ilin avqust ayında Türkiyə limanlarından 5 milyon 532 min 586 ton tranzit yük daşınıb.

Nazirlikdən verilən məlumata görə, 2023-cü ilin yanvar-avqust aylarında Türkiyə limanları 260 milyon 582 min 661 ton yük qəbul edib.

2023-cü ilin yanvar-avqust aylarında Türkiyə bayrağı altında gəmilərlə yük qəbulu 19 milyon 335 min 755 min ton təşkil edib. Digər ölkələrin bayraqları altında gəmilərlə isə Türkiyə limanlarına yükdaşımalar 241 milyon 246 min 906 ton təşkil edib.

Məlumatda bildirilib ki, 2023-cü ilin yanvar-avqust aylarında Türkiyə limanlarından 46 milyon 593 min 524 ton tranzit yük daşınıb.

Ləman Əsədli

Twitter: lamanasadli01