...

«Air Astana ұшағына бомба қойылды»: Компания ақпаратқа қатысты мән-жайды түсіндірді

Басқа жаңалықтар Материалдар 19 November 2021 18:20
Nur-Sultan Kazinform Kazinform
«Air Astana ұшағына бомба қойылды»: Компания ақпаратқа қатысты мән-жайды түсіндірді

Air Astana әуе компаниясының баспасөз қызметі ұшаққа «бомба» қойылғаны туралы ақпаратқа қатысты мәліметпен бөлісті, деп хабарлайды ҚазАқпарат тілшісі.

«2021 жылдың 18 қарашасы күні сағат 20:45-те Air Astana әуе компаниясына көршілес елдің аумағы арқылы өтетін әуе бағдарында қауіптің бар екендігі туралы хабарлама түсті. Анонимді хабарламада әуе компаниясының атауы да, рейс нөмірі, датасы және уақыты да көрсетілмеген. Әуе компаниясы қауіпсіздік іс-шараларын шұғыл күшейтіп, өзінің барлық рейстерінің ұшып келу және ұшып кетуі кезінде қосымша тексеру жұмыстарын жүргізді.

Қауіп туралы ақпарат дәлелденген жоқ. Барлық материал тиісті іс-шара қабылдау үшін құқық қорғау органдарына жіберілді», - деп атап өтеді әуе компаниясының баспасөз қызметінен.

Айта кетейік, бүгін ҚР Индустрия және инфрақұрылымдық даму министрлігінің баспасөз қызметі белгісіз адамның «Пулково - Нұр-Сұлтан» бағытындағы ұшаққа бомба қойылғанын хабарлағаны туралы ақпарат таратқан болатын.

Тегтер:
Соңғы

Жаңалықтар таспасы