BAKI,TurkicWorld,Yusif Şərifzadə
ABŞ Prezidenti Donald Tramp bildirib ki, İranla “çox yaxşı razılaşma” əldə etmək üzrədir, lakin Vaşinqton və Tehran arasında baş verən son qarşılıqlı hücumlar müharibənin bitməsi üçün razılaşma ümidlərini zəiflədib.
TurkicWorld xəbər verir ki, ABŞ və İran arasında atəşkəs 8 aprel tarixindən qüvvədə olsa da, tərəflər hərbi obyektlərə vaxtaşırı hücum etməyə davam edirlər. ABŞ tərəfi Qoruk şəhərində və Qəşm adasında radar və dron obyektlərinə hücumlar həyata keçirdiyini açıqlayıb.
Buna cavab olaraq, İran İnqilab Keşikçiləri Korpusunun (İKK) nümayəndələri bildirib ki, ABŞ-ın cənubi İranda telekommunikasiya qülləsinə hücum üçün istifadə etdiyi hava bazasına zərbə endirilib.
Tramp administrasiyasının Hörmüz boğazını bloklaması və İran limanlarına dəniz blokadası regiondakı gərginliyi daha da artırıb.
